Elizabeth von Arnim

Elizabeth von Arnim (Kirribilli, 1866ko abuztuaren 31 – Charleston, Hego Karolina, 1941eko otsailaren 9a) Mary Annette Beauchamp jaiotza izenez, Australian jaiotako ingeles idazlea izan zen.

Australian jaio zen eta itsas merkatari aberats baten alaba zen. Katherine Mansfielden lehengusina ere bazen. Elizabethek hiru urte zituenean, familia Ingalaterrara joan zen bizitzera, eta Londresen bizi izan ziren, eta urte batzuk Suitzan.

1891n Henning August von Arnim-Schlagenthin konde alemaniarrarekin ezkondu zen eta lau seme-alaba izan zituen. Ezkontza Alemanian bizi izan zen 1908an Elizabeth Ingalaterrara itzuli zen arte bere seme-alabekin. 1910ean alargundu egin zen eta, ondoren, hiru urteko maitasun-harremana izan zuen H. G. Wellsekin. 1916an Alfred Russellekin ezkondu zen, Russellgoo bigarren kondea eta Bertrand Russellen anaia.

Literatura ibilbidea 1898an hasi zuen, ''Elizabeth and Her German Garden'' izeneko liburu erdi autobiografikoarekin. Liburu honetan eta hurrengoetan Alemaniako bizitza probintziala deskribatu zuen eta klase aristokratikoa kritikatu zuen. Wikipediatik informazioa lortu